DAVAO CITY – Gipahimangnoan sa konsehal ning dakbayan ang City Transport and Traffic Management Office (CTTMO) nga ipatuman ang gi-amyendahan nga ordinansa kalabot sa pagpatuman sa mas hugot ug gilugwayan nga truck ban sa siyudad sa hinanali nga panahon.
Matud pa kang konsehal Conrado Baluran, chair committee on transportation, wala sumala pa gipatuman karon sa CTTMO ang amended truck ban ug padayon pa nga nagpahimutang ug notices sa mga giilang starting point sa truck ban sama sa area gikan sa crossing Catalunan Pequeño hangtud Greenhills alang sa mga truck gikan sa Calinan, ug Holy Cross sa Bunawan hangtud Sumifru alang sa mga trucks nga gikan sa Davao del Norte.
Gipahimangnoan sab ni Baluran ang mga truck nga gikan sa Calinan area nga mohunong gamit ang road shoulders sa San Pedro College area alang sa parking.
Mihangyo ang konsehal sa CTTMO nga subayon ang maong kalapasan ug pangdakpon ang mga violators.
Gi-awhag sab sa opisyal ang mga establisymento nga migamit ug mga dagko nga truck sa ilang pamatigayon nga ikonsidera ang pagtukod ug mga warehouses sa siyudad gumikan sa gipatuman nga truck ban.
Gani, nangita na matud pa sila ug warehouse areas sa Sirawan, Malagamot ug Calinan alang sa relocation.
