DAVAO CITY – Nagpagula na karon ug alarma ang kapulisan ngadto sa publiko kalabot sa gikarnap nga SUV niining milabay nga adlaw.
Kahinumduman nga nagpatala gilayon sa iyang reklamo ang usa ka David Tumotod, 46, residente sa Yakal Street, Vista Verde subdivision Bangaray Panacan, Bunawan District ning dakbayan human nga wala na niini igkita ang iyang sakyanan nga nawala pasado alas sais sa buntag.
Gikanayong kolor itom nga 2014 Ford Everest nga adunay plate number AAG 8760 ang nahisgutan nga unit.
Gikanayong giparada ang SUV sulod sa ilang garahe-an ug dihang pagmata niya bandang 5:45 sa buntag, namatikdan niini nga nawagtang na ang sakyanan ug abli na ang atubangan nga bahin sa ilang gate.
Nakasulod sab sumala pa ang kawatan sa ilang pinuy-anan ug gikawat ang P5,100 nga cash nga gibutang sa ibabaw sa cabinte sulod sa kwarto diin gibutang usa ang susi sa sakyanan.
Matud pa sa nakasaksi nga si Cheryl Silva, residente sa nahisgutan nga dapit, nakadungog sumala pa siya nga adunay mi-abli sa gate bandang alas dose sa tunganga kagabhi-on ug nagtup lamang sila nga ang tag-iya sa panimalay ang nag-abli hinungdan nga wala lamang niya kini tagda.
