DAVAO CITY – Nagpakitabang sa usa ka transport group ang mga driver ug operator sa UVExpress Van aron nga hangyoon ang LTRB nga tugotan nga makabiyahe ang mga UV passenger van nga padulong sa north bound sa rehiyon.
Sumala pa kang Edwin Fernandez, Secretary General sa Transmission Piston nga regular ang ilang pagpakighinabi sa mga driver ug operators, apan sa kasamtangan wala pa sila’y mamahimo nga lakang, labot niini.
Gi-angkon ni Fernandez nga duna sila’y ginabalanse sa isyo gumikan kay daghanan sab ang mga naga-reklamo nga paspas ang dagan sa mga UVExprerss Van, ug dunay mga naga-modefy sa ilang mga tambutso Daku sab hinoon ug pagtuo ang transmission Piston nga duna sa’y kakulangon ang LTFRB gumikan kay wala niini ma-regulate ang biyahe sa mga UV Express Van.
Wala sab ma-klaro kung malakip sa transport strike karong Hulyo ang sentimento sa mga UVExpress Van drivers ug operators.
