DAVAO CITY – Mas mahimong hapsay pa ang pagpatuman sa dagan sa trapiko sa siyudad human nga hingpit na karon nga nataud ang 63 ka mga bag-ong wireless traffic sensor transmitters nga mao sumala pay mokontrol sa trapiko ilabi na karon nga nagpadayon ang pagpalapad sa kadalanan.
Matud pa kang Davao City Transport and Traffic Management Office (CTTMO) Chief Dionesio Abude dakong tabang ang instolasyon sa wireless transmitters aron nga dili maapektohan ang mga traffic lights sa higayon nga adunay ipahigayon nga road widening projects ang Department of Public Works and Highways nga duol lamang niini.
Kahinumduman nga nagpahigayon ang CTTMO ingon man ang City Information Technology Center and Abratique Associates ug inventory ug inspection sa tanang traffic light systems sa siyudad aron subayon kung epektibo ang bag-ong wireless transmitters.
