DAVAO CITY – Gipahibalo sa Chair sa El Grande Multipurpose Cooperative ingon man representante sa Coop-NATCCO Party-list nga si Donato Almador nga magpahigayon sila ug nationwide rally sa Abril 29 batok sa sugyot nga House Bill 4774 o mas nailang tax reform for acceleration and inclusion (TRAIN) bill.
Matud pa kang Almador nga target sa nationwide rally ang 5,000 protesters diin sagad niini mga miyembro sa kooperatiba sa Davao region.
Magsugod ang maong aktibidad gikan sa Freedom Park ug matapos sa Rizal Park.
Gitino sa nahisgutan nga dili sila babag sa bill apan buot lamang nila nga dili ilakip ni Pangulong Rodrigo Duterte ang mga kooperatiba sa bag-ong gisugyot nga taxation scheme.
Sa higayon sumala pa nga pahamtangan ug buhis ang mga kooperatiba, dili na sumala pa sila makahatag ug hinabang sa ilang mga miyembro ug sa komunidad.
Nasayran nga ang net sa cooperatives matag tuig ang dili sumala pa mapaingon sa coop apan alang sa mga miyembro ilabi na kung hisgutan ang dividends.
Gani mismo ang kooperatiba mismo ang walay share ug dili makapahimulos niini.
