DAVAO CITY – Gikanayon ni Davao City Mayor Sara Duterte nga pipila sa mga konsiderasyon nganong napili niya si Davao City Police Office Acting City Director Senior Superintendent Alexander Tagum mao ang track record niini sa police force kalakip na ang kontrobersiyal nga pagpangatungdanan niini isip provincial police chief sa North Cotabato.
Nagtuo si Duterte nga ang nahitabong violent dispersal sa nga nagprotesta nga mga mag-uuma sa Kidapawan kaniadtong bulan sa Abril sa milabay nga tuig ang nagsilbi nga “learning experience” kang Tagum diin aduna kini igong kasayuran kung unsa ang mga lakang nga angayan nga himuon sa higayon nga mahitabo ang susama nga insidente.
Kahinumduman nga human ang violent dispersal sa Kidapawan, gidestino si Tagum sa Abra ayha kini gi-appoint ni Mayor Duterte isip DCPO chief.
Samtang sa iyang bahin, mapasalamaton ang Police official sa pagsalig nga gihatag kaniya dungan sa saad nga buhaton niini ang tanan aron nga makab-ot ang expectations kaniya sa Mayor.
