DAVAO CITY – Abogado nawad-an ug P110 mil ka pesos nga balor sa cash ug mga mahalong cellphone human masudli ug kawatan ang iyang balay sa Sasa, ning dakbayan.
Naila ang biktima nga usa ka Atty. Remie Agunod Calatrava, nanimuyo sa 225 Diamond, Pampanga Executive Homes, ning dakbayan sa Davao.
Igo na lamang nga nagpatala sa buhatan sa kapolisan ang usa ka abogado nga nabiktima sa pagpanglungkab ug kawat kagahapon sa kaadlawon sulod sa ilang pinoy-anan.
Nasayran nga mga alas 11:00 ang takna kagabii, samtang anaa sa 2nd floor sa nahisgutan nga balay ug nagtrabaho sa iyang gimbuhaton ug didto na sab siya natulog.
Apan sa iyang pagmata kagahapon sa mga alas 4:00 ang takna sa kaadlawon, iyang nadiskobre nga wala na ang iyang Samsong nga iaptap kolor itom ug nagkantidad ug P24 mil ka pesos.
Gibutang niya sa lamesa nga doul sa bintana sa 2nd floor. Kalakip sa nawala ang iphone 5 nga cellphone nga nagkantidad ug P18 mil ka pesos, Samsong G7 nga nagkantidad ug P36 mil ka pesos, Oppo Cellphone nga nagkantidad ug P12 mil ka pesos, iyang passport ug pipila ka mga mahinongdanon nga mga dokumento.
Nawala sab ang iyang cash nga mikantidad ngadto sa baynte mil ka pesos. Natahap si Atty. Calatrava nga nakasulod sa iyang balay ang biktima pinaagi sa pagkatkat sa gate, ug milahos sa abli nga bintana sa 2nd floor sa balay.
Human makuha ang mga mahalon nga mga gamit dali nga miikyas ang suspek palayo sa dapit.
Padayon ang gipahigayon nga fallow-up operation sa kapolisan sa Sasa, aron nga maila ug madakpan ang suspetsadong kawatan.
