DAVAO CITY – Gibutyag ni Davao City Mayor Inday Sara Duterte-Carpio nga usa sa iyang hatagan ug pagtagad human ang iyang maternity leave mao ang hinabing pangkalinaw tali sa mga rebeldeng New People’s Army (NPA).
Kahinumduman nga bisan mideklara ang iyang amahan nga si Pangulong Rodrigo Duterte nga makig-giyera batok mga rebelde human ang gihimong sunod-sunod nga pagpangatake sa mga nahisgutan, abli pa gihapon ang Mayor nga makighinabi sa mga NPA aron lamang mapabilin ang kalinaw ilabi na dinhi sa dakbayan sa Davao diin nakasinate ug sunod-sunod nga engkuwentro ang pipila ka barangay sa milabay nga bulan.
Matud pa sa Mayor nga posibleng sa bulan sa Abril human ang iyang maternity leave magpagula siya ug written statement kalabot sa ilang nahisgutan sa mga rebelde.
