DAVAO CITY – Gawas nga naputos sa “advanced biometrics-based security features” giila na sab karon ang mga bag-ong postal identification card (ID) isip “primary government document”.
Matud pa sa Philippine Postal Corporation (Philpost)-Davao mas gipalambo na ang maong ID nga kabahin na sab sa pag-apply ug passport sa Department of Foreign Affairs (DFA).
Nasayran kang Philpost Eastern Mindanao account manager Lloydie Labanon, mas luwas na kini nga gamiton gumikan sa mga security features nga dili mamahimong ma-kopya.
Gawas sa DFA, dawaton na sab karon sa Bangko Sentral ng Pilipinas ang maong ID isip nag-unang klase sa identification sa usa ka tawo.
Nanawagan ang opisyal sa mga buot nga mag-apply ug postal ID nga mobisita lamang sa ilang buhatan sa Philpost offices sa Davao Region. Laoman nga madawat sa mga applikante ang ilang ID sulod sa 13 ngadto na sa 15 ka adlaw.
