DAVAO CITY – Mainiton nga gidawat ni Mati City Mayor Carlo Rabat ang delegasyon sa mga atleta nga usa ka semana nga manag-indig sa natad sa paugnat sa kusog sa Mati City Centennial Sport Complex.
Kagahapon sa hapon pormal nga gibuksan ang Davao Regional Athletic Association (DAVRAA).
Unse ka mga School Divisions gikan sa nagkada-iyang bahin sa Region XI ang nanagbagat sa Sunrise Capital of the Philippines, ang Lalawigan sa lalawigan sa Davao Oriental aron sa pag-promote Youth Sportsmanship, Camaraderie and Physical well-being pinaagi sa himsog nga sports competition Sa 2017 DAVRAA Meet.
Mapasalamaton si Mayor Rabat nga subling nahatagan ug kahigayonan ang Mati City nga mamahimong host sa DAVRAA karong tuiga.
Pipila ka tuig sab nga gipangandaman sa Mati City ang susamang kahigayonan sa paghost sa maong kalihukan.
