DAVAO CITY – Walay natalang dagko nga mga panghitabo ang kapulisan atol sa kasaulogan sa ika-80th Araw ng Dabaw.
Una ng gibutyag ni Davao City Police Office (DCPO) city director senior superintendent Michael John Dubria nga tungod sa mas gipahugtan nga seguridad sa dakbayan partikular na sa gipahigayon nga Parada Dabawenyo sa Rizal Park, walay dagko nga mga insidente nga nasubay ang kapulisan nga mamahimong makaalarma sa publiko.
Kahinumduman nga anaa sa 4,000 ka mga puwersa gikan sa nagkadaiyang law enforcement agencies ang nagkahiusa aron lamang dili makapahimulos kadtong adunay plano nga isabotahe ang aktibidad.
Samtang bisan nagpatuman sab ug seguridad ang tropa sa kasundalohan sa downtown area, gikanayon ni Joint Task Force (JTF) Haribon commander Brigadier Gilbert Gapay nga padayon sab nga nakatutok ang puwersa sa kasundalohan sa bukiron nga bahin sa siyudad ilabi na kadtong adunay presensiya sa mga rebeldeng New People’s Army (NPA).
Sa kinatibuk-an, wala sumala pay nadawat nga mga dagkong hulga ang dakbayan pinasikad sa intelligence monitoring sa otoridad.
