DAVAO CITY – Mas gipahugtan karon ang seguridad sa lalawigan sa Davao Oriental ug Davao del Sur human ang sunod-sunod nga engkuwentro tali sa tropa sa kagamhanan ug komunistang grupo sa lugar.
Matud pa kang Maj. Gen. Rafael Valencia, 10th Infantry Division commander, himuon nila ang tanan aron nga ma-protektahan ang katawhan batok sa mga armadong grupo lakip sa mga New People’s Army.
Dugang ni Valencia nga dili sumala pa sila magduha-duha nga magpatuman ug legitimate military force batok sa bisan kinsa nga grupo nga maoy hinungdan nga mobati ug kahadlok ang mga tawo.
Nanawagan sab ang army general sa matag Filipino nga magkahiusa aron nga maangkon ang malungtaron nga kalinaw sa nasud.
Kahinumduman nga daghanang mga residente sa barangay sa Bansalan, Davao del Sur ang mibakwit sa evacuation site human ang nahitabong engkuwentro niining milabay nga adlaw.
