Gipasubpoena sa Senate Impeachment Court si Davao City Mayor Sebastian “Baste” Duterte aron motestigo sa impeachment trial sa iyang igsuon nga si Vice President Sara Duterte karung umaabot nga Septyembre 17, 2026.
Kabahin si Mayor Baste sa mga testigong gipatawag sa prosecution may kalabotan sa Article II sa Articles of Impeachment, diin gilatid ang alegasyon sa unexplained wealth batok sa bise presidente.
Pangutan-on si Mayor Baste kabahin sa Gencorp Industries Inc., usa ka kumpanyang gilista sa business interests ni VP Sara, ug kung adunay mga transaksyon o dealings kini sa Davao City government atol sa iyang pagserbisyo isip alkalde.
Matud sa House Prosecution panel, posibleng pangayuon usab kang Mayor Baste ang impormasyon ug mga rekord nga adunay kalabotan sa maong mga transaksyon.
Samtang, sumala sa prosecution spokesperson nga si Benjamin Tolosa Jr., mahimong ma-classify isip hostile witness si Mayor Baste kon mapamatud-ang ang iyang posisyon isip testigo mosupak sa interes sa prosecution.
Gipatawag usab sa impeachment court sila Atty. Ariel Ronquillo ug Rendell Sopeña alang sa Sept. 21 hangtod 23, samtang gitakdang motunga sa Sept. 23 sila Mayor Baste, Atty. Gary Samonte ug Police Major Jerickson Sangalang.
