DAVAO CITY – Gipahimutang na sa Department of Public Works and Highways sa San Isidro, Buhangin, ning dakbayan sa Davao ang girder alang sa tukoron nga Pedestrian Over.
Alas unse kagabii sa dihang gipahimutang ang proyekto, hinongdan nga gi-serhan ang karsada sa San Isidro, apan gi-ablihan ang alternate route alang sa mga sakyanan.
Gipahimutang ang overpass aron nga kalikayan ang daghanan nga mga aksidente sa dapit.
Sumala pa kang DPWH spokesperson Den Ortiz nga ang nahisgutan nga istraktura isip pagsuporta na sab sa Anti-Jay Walking Ordinance sa dakbayan.
Gipasalig sa DPWH nga lig-on ang tukoron nga pedestrian overpass.
Kini gumikan kay gama kini sa puthaw ug semento ug gipalig-on aron nga dili basta-basta nga mahugno panahon sa kusog nga linog.
Gilauman sa DPWH nga mahuman ang nahisgutan nga proyekto karong bulan sa Marso.
