DAVAO CITY – Gikanayon sa City Engineer’s Office nga ang rainwater collection system usa ka mandato ayha sila mo-isyu ug certificate of occupancy.
Matud pa kang Engr. Arjean V. Jumamoy, representante gikan sa City Engineer’s Office nga ang nahisgutan nga kamandoan nakabase sa City Ordinance No. 0298-09 series of 2009 nga gipatuman kaniadtong milabay nga bulan.
Unod sa maong ordinansa ang probisyon kalabot sa tukma nga pagpundo, ug paggamit sa tubig-ulan dinhi sa dakbayan.
Gitino ni Jumamoy nga tumong sa rainwater collection mao ang pagkonserba sa paggamit ug tubig-ulan alang sa non-potable purposes sama sa paglimpiyo sa banyo o sa balay.
Nasayran nga kadtong nag-apply ug bag-ong building permit kinahanglan nga mobayad ug P12 sa matag two cubic meters sa bisan unsa nga residential water storage samtang P480 sa tulo ngadto na sa napulo ka cubic meters nga alang sa mga commercial buildings.
