DAVAO CITY – Dakpan sa kapolisan ang upat ka mga tawo sa gilusad nga police operation sa Davao del Sur kabahin sa ilaang operasyon kalabot sa illegal nga sugal.
Nasayran nga kagahapon sa mga alas 11:00 ang takna sa kautohon gi-ronda ang pronton nga nahimutang sa Barangay Guihing, Hagonoy, Davao del Sur ug nadakpan ang usa ka Shirly Flores Regidor, 33 anyos, residente sab sa Guihing, Hagonoy, Davao del Sur.
Nasakmit gikan kaniya ang iyang nakolekta nga mga pusta nga gibana-bana nga mokabat ngadto sa kinyentos ka pesos. Samtang alas 2:30 ang takna sa hapon lain na sab ang nadakpan nga usa ka Mary Ann Diaz, 32 anyos, residente sa Guihing, Hagonoy, Davao del Sur.
Dakpan sab ang usaka Gema Bravo, 49 anyos, residente sa Barangay Lapu-Lapu, Barangay Zone 1, dakbayan sa Digos.
Nadakpan ang suspek sa dakbayan sa Digos samtang gilusad ang pagpang-ronda ang kapolisan. Sa lungsod sa Matanao padayon sab ang pagpangronda sa Kapolisan.
Sa maong ronda dakbayan ang usa ka Ingrid Bantilan Salasa, 23 anyos, residente sa Barangay Tres De Mayo, dakbayan sa Digos.
Nasayrann nga ang dinakpan dunay Pronton sa Barangay Sinawilan hinongdan nga gironda sab kini sa kapolisan. Mokabat ngadto sa kinyentos ka pesos ang iyang kita ug apil nga gikompiska sa kapolisan ang iyang cellphone, mga koteho ug tally sheet.
Ang nahisgutan nga mga dinakpan nabalhug na karon sa bilanggo-an, ug gihikay na karon ang tukmang kaso batok sa nahisgutan nga mga suspek.
