Gikareport sa Philippine National Police nga ang 26 ka armas nga konektado kang Senador Ronald “Bato” dela Rosa nasurrender na human gibawi ang iyang gun license ug firearm registrations.
Matod ni PNP Public Information Office chief Col. Allen Rae Co, 20 ka armas ang naisurender sa Davao City samtang unom ang na-turn over sa Region 4, hinungdan nga miabot sa 26 ang anaa sa kustodiya sa kapulisan.
Apan, 91 sa 117 ka firearms nga nakarehistro sa ngalan ni dela Rosa ang wala pa ma-account.
Padayon ang koordinasyon sa PNP Firearms and Explosives Office sa pamilya sa senador aron itugyan na ang nahibiling mga armas, ug mohimo sila og legal police action aron mabawi kini.
Nagpadayon ang operasyon aron pangitaon si dela Rosa ug ipatuman ang arrest warrant batok kaniya.
Wala gibutyag sa kapulisan ang iyang lokasyon tungod kay mahimo kining maka-apekto sa operasyon.
Gikumpirma usab sa PNP nga nagpabilin gihapon sa Pilipinas ang senador, sukwahi sa nga mikaylap nga mga impormasyon nga nakagwas na kini sa nasud.
Si dela Rosa ginapangita sa balaod subay sa arrest warrant nga gipagawas sa International Criminal Court alang sa giingong crimes against humanity nga nalambigit sa drug war sa administrasyon ni kanhing Presidente Rodrigo Duterte.
