Nakadawat og food pack assistance ang 75 ka pamilya nga naapektuhan sa demolition sa Barangay 26-C, Davao City niadtong Agosto 12, 2026.
Gihatag ang ayuda pinaagi sa koordinasyon ni Vice Mayor Rodrigo “Rigo” Duterte II ug sa opisina ni Congressman Paolo “Pulong” Duterte isip unang suporta sa mga residente nga naapektuhan sa nahitabo.
Matud sa opisina ni Vice Mayor Rigo, tumong sa maong tabang nga matubag ang pipila ka panginahanglan sa mga pamilya samtang ilang giatubang ang kasamtangang sitwasyon.
Sa iyang mensahe, gipasalig ni Vice Mayor Rigo nga dili sila pasagdan ug anaa ang lokal nga pangagamhanan aron motabang.
“The local government is here and ready to help you,” matud niya.
Gipasiugda usab nga importante nga mabati sa matag Dabawenyo nga adunay gobyerno nga maminaw, motubag ug molihok panahon sa kalisod. | VIA BOMBO EROS PAJOTA
