Nakompleto na sa Davao City Government, inubanan sa pakigtambayayon sa City Engineer’s Office (CEO), ang 749 ka mga infrastructure projects, sukad niadtong 2020 hangtod 2024.
Gilangkuban ang maong city-funded infra projects, mao ang mga kadalanan, tulay, irrigation systems, canals, mga building, ug uban pang mga istruktura.
Nakalatid sa maong mga nakompleto nga mga proyekto matag-tuig mao ang anaa sa 150 ka mga istruktura alang sa tuig 2020, 162 sa 291, 125 sa 2022, 146 sa 2023, ug 157 ka mga istruktura sa tuig 2024.
Samtang alang karung tuiga, nagapadayon pa sab ang mga pipila ka mga proyekto nga ginahuman sa buhatan sa City Engineer, diin nagapaningkamot sumala pa sila nga malikay sa delay ang tanan nilang mga ginabuhat nga mga proyekto.
Dugang pa, lakip sab nga nag-develop ang ilahang buhatan og mga public service facilities, lakip na ang bag-ong sanitary landfill.
