DAVAO CITY – Nakatala ang Davao City Business Bureau ug kinatibuk-ang 36,326 registered business establishments sa siyudad sulod sa Hunyo ning kasamtangan nga tuig.
Sumala pa kang Business Bureau chief Marissa Torentera adunay kausaban sa ihap ilabi na nga adunay pipila ka mga establisyemento ang bag-o, re-registered, o retired.
Gitataw sab ni Torentera nga ang gi-isyu nga business permits ang sagad micro, small ug medium enterprises (MSMEs).
Sa kasamtangan, padayon nga gi-update sa ahensiya nga listahan matag karon ug unya.
Kung basehan ang ihap sa mga unregistered business establishments, kasamtangan pa nila nga gisapinal ang ihap niini apan gipasalig nga matag semana sila magpahigayon ug pagmonitor.
Samtang gibutyag sa opisyal nga sa kasamtangan, wala na silay namonitor nga investment schemes nga illegal nga nag-operate gumikan sa kawad-on ug gikinahanglan nga permit sama sa business ug Securities and Exchange Commission (SEC) permits.
Ulahi sumala pa nga na-isyuhan ug cease and desist order (CDO) ang mga kompanyang Jogle Marketing ug Rigen Marketing nga nag-operate bisan nga walay gihuptan nga permit.
