Milutaw karong panahuna ang usa ka sworn affidavit ni Ramil Madriaga, nga nagpaila nga direkta siyang nagtrabaho kang Vice Pres. Sara Duterte, kabahin sa giingong kurapsyon nga nalambigit ang bise Presidente.
Subay sa iyang gipanumpaan nga pamahayag, gitukod ni Madriaga ang “Inday Sara Duterte Is My President” niadtong 2020.
Sumala pa niya, ang pondo ang gigamit niini ug sa ubang grupo aron suportahan ang kandidatura ni Duterte sa 2022 elections gikan kuno sa mga POGO operators ug drug dealers.
Gihisgutan usab niya ang giingong paghatod sa mga duffel bags nga adunay sulod nga mga kwarta.
Plano ni Madriaga nga magsumite og reklamo sa Ombudsman gamit ang iyang affidavit.
Nasayran nga anaa sa bilangguan si Madriaga sa BJMP sa Taguig City tungod sa kaso nga kidnapping nga iyang gipangayo nga wagtangon sa korte.
Nidesisyon sumala pa siya nga ipadayag ang iyang nahibal-an tungod sa kahadlok alang sa iyang kaluwasan, human sa pipila ka higayon matud pa nga pagbisita sa mga tawo nga adunay koneksyon sa bise samtang siya anaa sa prisohan.
Gikanayon pa sa nahisgutan nga walay namugos kaniya aron ipagawas ang iyang affidavit.
