Kabsan ang 14 anyos nga lalaki human nga nangawat sa Alanib Central Elementary School sa Lantapan, Bukidnon niadtong Agosto 18 ning tuiga.
Sa nahimong imbestigasyon sa kapulisan, namatikdan matud pa sa watchman sa eskwelahan nga gisulod sa maong kawatan ang opisina sa principal ug didto na matud pa nga nag-ilog ang suspek ug ang watchman sa pusil nga iya sa suspek ug didto na napusilan sa suspek ang iyang kaugalingon.
Subay sa rekord, notadong kawatan matud pa ang menor de edad sa lugar ug dili kini ang unang higayon nga nangawat kini sa eskwelahan.
Sa pikas bahin, dako ang pagtuo sa pamilya sa suspek nga gituyo kini og pusil.
Apan, aminado ang tagtungod sa suspek nga duna na kini rekord sa pagpangawat ang, apan di matud pa kini rason nga pusilon ang ilang kabanay.
Sa karon, buot maangkon sa pamilya ang hustisya sa menor de edad.
