DAVAO DE ORO- Nagmalampuson ang gipahigayong 1st Indigenous People Youth Summit nga subay sa temang: “The youth is the hope for the Protection & Promotion of our Rights, Culture and Heritage”.
Kini ang gikahitabo niadtong milabayng Hulyo 28, sa Barangay Rizal, Gymnasium Davao de Oro diin gisalmutan kini sa usa ka gatos nga Manobo Indigenous youth gikan sa Barangay Rizal, Barangay Pasian, ug Barangay Salvacion, Davao de Oro.
Ang maong IP Youth Summit ang mnagmalampuson gumikan usab sa colaborasyon sa Mindanao Indigenous Peoples Youth Organization kon MIPYO, MIPCEL, Manobo IP Youth Organizations, Manobo IPS, LGU Monkayo, Provincial IPMR Albert Perlas Camana ug 25th Infantry Batallation.
Lakip usab sa mga misalmot sa maong kalihukan sila Manobo IPS Chairman Maniguon Hermeraldo C. Ablec, Maniguon Salvador Ocbong, Chairman Four Tribes, Hon. Diosdado C. Salugao Jr, Brgy Rizal Captain, IPMR Jumie Cuevas pipila ka mga opisyales sa kapulisan, kasundaluhan ug mga KKDAT Monkayo Officers.
Tumong sa maong leadership training mao ang aron mahatagan og gahum, mahatagan og inspirasyon, mapadasig ug ma-awhag ang mga kabatan-onan nga mahimong responsable sa mosunod nga heenrasyon sa ilahang mga IP communities, pagpromotras ug pagprotekta sa ilahag customary laws, mga practices ug mga tradisyon.
Sumala pa sa usa ka partisipante nga mapasalamaton kini siya gumikan kay kini ang labing unang higayon nga nakasinati ang silang miyembro sa Manobo IP Youth sa susamang aktibidad.
