Gipasalamatan ni OPM singer Yeng Constantino ang mga fans nga mitambong ug misuporta sa iyang duha ka adlaw nga sold-out concert alang sa iyang ika-20 anibersaryo sa industriya sa musika.Gipaambit niini sa iyang Facebook post ang iyang gibating kalipay ug pasalamat ngadto sa iyang mga Yengsters ug sa tanang nakig-awit ug naka-relate sa iyang mga kanta atol sa “Biyaheng Bente” concert sa Araneta Coliseum.
Dugang pa, emosyonal usab ang singer human mabasa ang mga mensahe gikan sa iyang mga fans, diin makita kini sa usa ka video nga mihilak samtang nagpasalamat sa ilang padayong suporta.
Dugang pa niini, mipasalig si Constantino nga magpadayon siya sa paghimo og musika ug dili usikan ang mga oportunidad nga gihatag kaniya sa iyang mga fans ug sa industriya. Sa ulahing bahin sa video, gipasidunggan usab ni Yeng ang Ginoo ug mipahayag sa iyang pagpasalamat pinaagi sa mensaheng, “Mula sayo, dahil sayo at para sayo.”
