Nagkanayon si Vice President Sara Duterte nga naga-antos si Pastor Apollo C. Quiboloy nga founder sa Kingdom of Jesus Christ sa ginatawag nga ‘two poison arrows’.
Sumala pa sa bise presidente nga adunay angulo sa politika ug legal ang nasinatian karon sa maong pastor gumikan kay kampi kini ni former President Rodrigo Duterte ug dugang pa niini nga mitabang usab kini sa kampanya ni VP Sara niadtong midagan kini isip bise presidente sa nasud.
Dugang pa niini nga ang ikaduha mao ang adunay kalabutan sa buot sa gobyerno sa Estados Unidos nga kuhaon ang mao nga Pastor.
Mipadangat usab og mensahe ang bise presidente ngadto sa mga miyembro sa KOJC ug mga dabawenyo nga mukalma una, dili mulaban nga moresulta sa bayolenteng aksyon aron mabarugan lamang ang ginatuuhan niini nga tama.
Dugang mensahe pa niini nga respetuhon gayud ang balaod ug respetuhon ang gobyerno. Sumala pa sa bise presidente nga ang motibo luyo sa pagpangdaot kay Pastor Quiboloy mao ang ‘perpetuation of power’ diin tanan ang adunay kalabutan sa politika ug sa gahum nga gihuptan sa usa ka indibidual.
Pagpaklaro usab sa bise presidente nga wala na kini nagalihok alang sa administrasyon o alang sa oposisyon, dili matud pa politika ang iyahang ginabuhat apan alang na lamang sa katawhan.
