Mipanaw na ang usa sa mga biktima sa pagpamusil tungod sa lalis sa trapiko sa dakbayan sa Antipolo.
Gikumpirma ni Antipolo City police chief Lt. Col. Ryan Manongdo ang pagkamatay sa biktima nga nakaangkon og samad sa ulo tungod sa bala.
Tungod niini, ilahang usabon ang kaso gikan sa frustrated murder ngadto sa murder batok sa suspetsado nga namusil.
Anaa sa maayong kahimtang ang duha pa ka biktima, lakip na ang asawa sa namatay nga biktima nga napusilan usab.
Kahinumduman nga nagkalalis ang 28-anyos nga suspetsado ug ang mga biktima, nga misangpot sa sinumbagay sa Marcos Highway sa Sitio Calumpang, Barangay San Jose Antipolo City.
Nadakpan ang suspetsado atol sa hot pursuit operation, diin narekober ang pusil nga gigamit ug ang sakyanan niini.
Dugang pa ni Manongdo, bisan og lisensyado ang pusil, wala kini’y permit to carry tungod sa nagpatuman nga election gun ban.
