DAVAO CITY – Patay ang lima ka tao samtang angol ang laing usa kabatan-on, human nga naigo sa kilat sa Camp Madigger, Binaton, Digos City, Davao del Sur, gumikan sa sunod-sunod nga kilat nga nasinatian dungan sa kusog nga pagbundak sa ulan.
Giila ni Digos City Agriculturist Jerome Escobarte, ang pipila sa mga biktima nga sila Glendell Joy Villocino, 17 anyos dalagita, residente sa Barangay Soong; Clarence Cate Chatto, 21 anyos lalaki, residente sa Barangay Sinawilan, Digos City.
Dead on the spot ang upat ug dead on arrival usab sa hospital ang laing usa. Samtang padayon usab nga gimonitor ang kahimtang sa survivor nga anaa karon sa Davao del Sur Provincial Hospital.
Subay sa inisyal nga imbestigasyon sa Digos City Police, pauli na ang mga biktima gikan sa camping sa Camp Madigger dihag kalit nga nibundak ang kusog nga ulan pasado 6:30 kagabie. Naigo sa kilat ang lugar kon asa nipasilong ang mga biktima.
Sa karon narekober na sa Digos CDRRMO ang patay’ng lawas sa mga biktima gikan sa taas nga bahin sa Camp Madigger.
via || Bombo LJF
updated || Bombo Mel
