DAVAO CITY – Gikatakda nga abrihan ang una nga segment sa Davao Coastal Road alang sa mga motorista sa ikaduha nga quarter sa tuig 2023.
Maggikan kini gikan sa Bago Aplaya hangtod sa Times Beach ug adunay gitas-on nga 7.62 kilometers. Matud pa ni Dean Ortiz, tigpamaba sa Department of Public Works and Highways (DPWH) XI, ginapaningkamutan karon sa kagamhanan nga mahuman sa musunod nga tuig ang 1st segment sa coastal road.
Samtang, sugdan na usab sunod tuig ang pagtaruk sa Bucana Bridge ug sa Sta. Ana Bypass Road.
Nanghinaut ang nahisgutan nga buhatan nga pinaagi sa maong proyekto, makunhuran ang problema sa trapiko sa syudad sa Dabaw.
Kahinumduman, giabrihan sab alang sa publiko ang Davao Coastal Road gikan sa Bago Aplaya hangtod sa Barangay Talomo alang sa buot magpahigayon og mga recreational activities sama na lamang sa jogging, biking, ug pag-exercise.
via || Bombo Jena Manguiob
