Life jacket nga gisul-ob sa usa ka survivor sa naunlod nga Titanic, nabaligya og ₱50 milyon

Nabaligya sa kantidad nga $905,000 o kapin ₱50 milyon ang life jacket nga gisul-ob sa usa ka survivor sa naunlod nga Titanic.

Nasayran nga kini mao ang nag-inusarang life jacket gikan sa Titanic nga nabaligya sa auction human sa 114 ka tuig sukad naunlod ang barko.

Gibaligya kini sa Henry Aldridge & Son. Ang maong life jacket gisul-ob ni Laura Mabel Francatelli, usa sa kapin 700 ka pasahero nga naluwas sa insidente niadtong 1912, ug iyang gisul-ob sa wala pa siya musakay sa lifeboat.

Gipirmahan usab niya ang maong floatation device nga adunay 12 ka bulsa ug kompleto sa shoulder rest ug side straps.

Lakip usab sa mga nabaligya sa auction ang seat cushion gikan sa lifeboat sa RMS Titanic, nga naibaligya sa kantidad nga $27,000.