DAVAO CITY – Nag-andam na karon ang lokal nga panggamhanan og tulo ka mga cremation centers nga alang sa mga mamatay tungod sa COVID-19.
Sumala pa kang Mayor Sara Duterte, ang nahisgutan nga centers gilangkuban sa Davao Memorial Park, Cosmopolitan ug St. Peter Funeral Home diin kinahanglan nga i-cremate ang patay’ng lawas sa mamatay sulod sa 24 oras.
Gitino sa opisyal nga wala sumala pay ipahigayon nga funeral rites o seremonya sa mga pasyente nga namatay sa Covid-19.
Samtang ang mga kabus nga patients under investigation nga namatay ug naghulat pa sa confirmatory results ang dumalaon sa lokal nga panggamhanan.
Sa kasamtangan, tulo na ka mga PUIs ang ilang na-cremate.
Apan ang ahensiya pa gihapon sa Department of Health (DOH) ang magdesisyon kung ipahibalo nila ang ihap sa mga pasyente nga na-cremate.
Una na ng gibutyag sa Mayor nga nag-andam na karon ang lokal nga panggamhan ug mass burial site sa Tagakpan ning siyudad sa higayon nga mograbe ang sitwasyon.
