Nanawagan si Pope Leo XIV batok sa padayon nga paglapas sa kagawasan sa pamamahayag sa lain-laing bahin sa kalibutan, kalabot sa pagsaulog sa World Press Freedom Day, diin iyang gitumong ang mga mamahayag nga namatay samtang nagatuman lang sa ilang katungdanan sa tunga sa kagubot ug gubat.
Sa iyang matag-semana nga pag-ampo sa Saint Peter’s Square, gipasiugda sa Santo Papa ang kamahinungdanon sa gawasnon nga pamamahayag ug ang nagkagrabeng hulga batok sa mga mamahayag.
“Today we celebrate World Press Freedom Day…unfortunately, this right is often violated, sometimes in blatant ways, sometimes in more hidden forms,” matod ni Pope Leo.
Giawhag usab niya ang mga magtutuo nga hinumdoman ang mga mamahayag nga naghalad sa ilang kinabuhi sa pagpangita sa kamatuoran, labi na sa mga lugar nga apektado sa gubat.
Ang World Press Freedom Day, nga gisuportahan sa UNESCO ug gisaulog kada Mayo 3, nagtinguha sa pagpakita sa suporta sa media nga nag-antos sa pressure ug pagpasidungog sa mga mamahayag nga namatay sa pagtuman sa ilang katungdanan.
Sa mga miaging pahayag, gihulagway sa Santo Papa ang pamamahayag isip usa ka haligi sa katilingban ug demokrasya, ug iyang giingon nga ang impormasyon usa ka pampublikong bahandi nga angay protektahan batok sa mga nagmaniobra niini.
