-- ADVERTISEMENT --
DAVAO CITY – Nabiktima sa maniempohay ang usa ka John Rex Carsido Bregole, 28 anyos, kinsa gikan sa iyang trabaho naglingawlingaw ug mi-adto sa Disco bar sa dalang JP Laurel, ning dakbayan sa Davao.
Nasayran sa Bombo Radyo Davao nga gibilin sa biktima sa iyang gilingkuran ang iyang bag ug misayaw.
Sa iya pagbalik sa iyang lingkuranan wala na ang iyang bag ug gituohang nabiktima siya sa salisi gang.
Dali sab dayon nga mipatala ang biktima sa San Pedro Police Station aron nga isumbong ang nahisgutan nga panghitabo sa pamasin nga madakpan sa kapolisan ang mga suspek ug mabawi ang mga nakawat nga mga butang.
