DAVAO CITY – Andam sumala pa si Tagum City Mayor Allan Rellon nga atubangon kun ugaling pasakahan man siya ug reklamo kalabot pa gihapon sa panghitabo sa Tagum City diin daghanan ang mga nabiktima sa investment scam.
Kahinumduman nga una ng gibutyag sa Department of Interior and Local Government (DILG) nga manubag ang si bisan kinsa man nga opisyal sa usa ka siyudad sa higayon nga adunay mga panghitabo nga supak sa balaod.
Una ng nabutang sa kontrobersiya ang Tagum City human nga nahimutang sa nahisgutan nga siyudad ang daghanang investment schemes ayha pa man gipahigayon ang raid ug pagpasara niini kaniadtong bulan sa Hunyo. Daghanan sa mga investors ang hangtud karon wala pay nadawat nga refund sa ilang gi-invest nga kuwarta nga gikanayong gisibat sa mga mipaluyo niini.
Gitataw ni Mayor Rellon nga hulaton na lamang niya sa higayon nga adunay ipasaka nga kaso batok kaniya.
