Walay nakitang kadudahang development si Senator Panfilo “Ping” Lacson sa pagbiyahe sa gawas sa nasud ni Senate Minority Leader Alan Peter Cayetano.
Matod ni Lacson, base sa iyang nadawat nga intelligence information, mibiyahe si Cayetano paingon sa Singapore ug wala kini gamita isip transit point aron mopadayon ngadto sa laing nasud.
Subay sa kumpirmasyon sa Bureau of Immigration, nakagawas sa Pilipinas si Cayetano uban sa iyang igsuon nga si Senadora Pia Cayetano ug wala kini hold departure order o derogatory record nga mahimong legal nga babag sa pagbiyahe.
Gipahayag ni Lacson nga sa pagkakaron, wala siyay nakitang isyu sa maong biyahe bisan pa sa mga imbestigasyon nga naghisgot kang Cayetano kalabot sa giingong iregularidad sa 2019 SEA Games hosting ug pipila ka infrastructure projects sa Taguig City.
Wala pa usab matala nga summons nga mahimong makapugong sa senador sa iyang pagbiyahe.
Apan sumala ni Lacson, mahimong mausab ang sitwasyon kung dili na motambong si Cayetano sa mga sesyon sa Senado sa higayon nga magsugod na usab ang session.
Samtang, giklaro sa Senate leadership nga dili kinahanglan mangayo og pagtugot ang mga senador kung personal nga biyahe lamang ang ilang tuyo sa paggawas sa Pilipinas.
