DAVAO CITY – Gipahibalo sa ahensiya sa Land Transportation and Franchising Regulatory Board (LTFRB 11) nga sa ikatulong semana ning kasamtamgan nga tuig laoman nga magsugod ang Davao-Marawi route.
Sumala pa kang Nonito “Dondon” Llanos III, regional director of LTFRB, gihulat na lamang nila karon ang pag-apruba ug ebalwasyon sa central office ayha nila ipahigayon ang evaluation dayon adunay himuon nga selection process kung si kinsa ang mamahimong operator.
Magpadala sab ang ahensiya ug sulat sa lokal nga kagamhanan dinhi sa dakbayan alang sa sugyot nga mga rota.
Sa kasamtangan, wala sumala pay bus operators ang nagpadayag ug intensiyon aron nga mag-operate sa maong ruta sanglit ang proseso sa aplikasyon niini ang himuon sa central office.
Kahinumduman nga hinay-hinay na karon nga nakabangon ang Marawi human nga nadaut kini tungod sa gilusad nga operasyon sa tropa sa kagamhanan batok sa mga terorista.
Nagpadayon sab karon ang infrastructure development projects sa gobyerno sa maong lugar.
