Magsugod na sa Sabado, Agosto 15,2026 ang ₱12 matag litro nga fuel subsidy alang sa mga kwalipikadong driver ug operator sa public utility jeepney o PUJ ug UV Express.
Matud sa Land Transportation Franchising and Regulatory Board, mahimong makadaginot og hangtod ₱1,800 kada semana ang matag kwalipikadong benepisyaryo ubos sa mas taas nga fuel subsidy.
Gipasabot ni Executive Secretary Ralph Recto nga gipataas ang subsidy isip tubag sa epekto sa padayon nga krisis sa presyo sa lana sa Middle East.
Ipadayon usab ang UPLIFT program o Unified Package for Livelihoods, Industry, Food, and Transport subay sa mando sa Department of Social Welfare and Development.
Tumong sa maong programa nga mahatagan og dugang suporta ang mga Pilipinong naapektuhan sa tensyon sa Tungag Sidlakan, ilabina kadtong apektado sa pagsaka sa gasto sa transportasyon ug panginabuhi.
Gilauman nga mas mapagaan sa bag-ong subsidy ang adlaw-adlaw nga gasto sa mga tsuper ug operator sa pampublikong transportasyon.
