Magpahigayon na ang Land Transportation Franchising and Regulatory Board o LTFRB og P12 kada litro nga fuel subsidy alang sa mga kwalipikadong drayber ug operator sa Public Utility Jeepney (PUJ) ug UV Express, sugod karong adlawa, agosto 15.
Sumala pa LTFRB, mahimong mokabat sa P1,800 kada semana ang matipid sa mga kwalipikadong benepisyaryo ubos sa gipataas nga fuel subsidy. Gipahayag ni Executive Secretary Ralph Recto nga gipataas ang fuel subsidy tungod sa epekto sa nagpadayon nga krisis sa presyo sa lana nga may kalabotan sa tensyon sa Middle East.
Dugang pa, gimandoan ang Department of Social Welfare and Development (DSWD) nga ipadayon ang pagpatuman sa UPLIFT o Unified Package for Livelihoods, Industry, Food, and Transport Program aron matabangan ang mga Pilipinong naapektuhan sa nagpadayon nga tensyon sa Middle East.
Sa kasamtangan, gipaabot nga makatabang ang dugang nga subsidy sa pagpagaan sa gasto sa gasolina sa mga drayber ug operator sa pampublikong transportasyon.
