Gitugyan na ni Pangulong Ferdinand Marcos Jr. sa Office of the Ombudsman ang imbestigasyon kabahin sa flood control anomaly nga nalambigit si kanhi House Speaker ug Leyte Rep. Martin Romualdez.
Sumala pa sa Presidente, dili siya direktang manghilabot sa mga detalye sa imbestigasyon ug pasagdan ang Ombudsman nga motuman sa mandato niini.
Dugang pa niini, motawag si Marcos sa Ombudsman aron mahibal-an ang kasamtangang kahimtang sa kaso alang sa iyang kaugalingong kasayuran.
Gipasabot usab sa Presidente nga wala siya masayod sa mga detalye sa maong imbestigasyon.
Kahinumduman, una nang gipadayag ni Marcos sa iyang SONA nga kasong may kalabotan sa flood control anomaly ang giandam batok kang Romualdez.
Sa laing bahin, gipasalig ni Romualdez nga andam siyang atubangon ang maong kaso.
