DAVAO CITY – Nagpakatag karon ang Davao City Public Safety and Security Command (PSSCC) sa ilang mga personahe sa nagkadaiyang vaccination sites ug swabbing centers kini aron masiguro nga matuman pa gihapon ang minimum public health measures.
Una ng gibutyag ni Angel Sumagaysay, head sa PSSCC nga mayorya sa mga gideploy ang gilangkuban sa civil security personnel, Davao City Police Office (DCPO), Task Force Davao (TFD), ug mga Army reservists gikan sa 11th Regional Community Defense Group (RCDG) nga gipahimutang karon sa Davao International Airport.
Gipasalig ni Sumagaysay nga ipadayon nila ang deployment isip kabahin sa ilang trabaho aron masiguro ang kaluwasan sa mga Dabawenyos.
Padayon sab sumala pa karon nga nakiglambigit ang PSSCC sa mga miyembro sa security cluster nga nagapatuman sa mga regulasyon ilalom sa general community quarantine (GCQ) with heightened restrictions ingon man pagmonitor sa kahusay ug kalinaw sa siyudad.
