Nagpadayon ang bangga sa prosecution ug defense sa ika-17 adlaw sa impeachment trial ni Vice President Sara Duterte, diin gitutokan ang testimonya ni kanhing OVP special disbursing officer Gina Acosta.
Atol sa direct examination, gisaway ni Presiding Officer Sen. Chiz Escudero si prosecution counsel Atty. Amando Ligutan human niyang gamiton ang pulong nga “scam” sa paghulagway sa pagdumala sa confidential funds. Human sa objection sa defense, gipatangtang sa record ang maong pulong ug gimandoan si Ligutan nga usbon ang pangutana.
Sa press briefing, giingon ni Manila Rep. Joel Chua nga murag “templated” ang mga tubag ni Acosta ug posible matod pa kining resulta sa coaching, samtang gikuwestiyon ni prosecution counsel Benjamin Tolosa ang pagkigkita ni Acosta sa defense lawyer sa wala pa siya mitestigo.
Sa pikas bahin, gitutokan sa defense ang timing sa COA notice of disallowance ug giingong kapin duha ka tuig kini human sa liquidation.
Sunod ipresentar sa prosecution si OVP official Lemuel Ortonio ug tulo ka AFP officers nga giingong walay nadawat sa DepEd confidential funds, samtang padayon ang cross-examination ug paglatid sa defense. | VIA BOMBO EROS PAJOTA
