Magpatuman si Philippine National Police (PNP) chief General Jose Melencio Nartatez Jr. og maximum security tolerance atol sa ikalimang State of the Nation Address (SONA) sa Presidente karong Lunes, Hulyo 27,2026 samtang naghangyo usab og kooperasyon gikan sa mga raliyista.
Nanawagan ang PNP chief sa publiko nga tahuron ang katungod sa matag usa ug magtinabangay sa pagmintinar sa kalinaw ug kahapsay niining adlawa.
Gipaabot kini taliwala sa gilaumang dagkong protesta sa nagkadaiyang sektor nga nakadawat og rally permits aron makapahigayon og mga rally sa gitakdang mga lugar sa Commonwealth Avenue, duol sa Batasang Pambansa Complex sa Quezon City, diin ipahigayon ang SONA ni Pangulong Ferdinand Marcos Jr.
Lakip sa mga nakadawat og rally permits ang Bagong Alyansang Makabayan (BAYAN), Sanlakas, ug Better Brighter.
Gipakatap na usab sa PNP ang kapin sa 20,000 ka mga pulis aron mobantay sa mga importanteng lugar ayha magsugod ang SONA alas 4:00 sa hapon.
Kahinumdoman nga gipahayag kaniadto sa PNP nga ilang ipatuman ang tanang malinawon nga pamaagi aron mapugngan ang mga raliyista sa pagsunog og mga effigy nga mahimong makasamok sa kahapsay atol sa mga kalihokan.
