Ginatun-an karon sa Philippine National Police ang posibilidad sa pagpahugot sa paggamit sa social media sa mga kabatan-onan aron mapanalipdan sila batok sa nagkadaghang hulga sa cyberspace.
Ang maong sugyot migawas atol sa 44th ASEANAPOL Conference diin naghisgot ang mga lider sa kapulisan sa nagkalain-laing nasud kabahin sa nagkalapad security threats nga nalambigit sa mga menor de edad sa paggamit og internet.
Matud ni PNP chief Police General Jose Melencio Nartatez Jr, ilang gikonsiderar ang mga polisiya nga gipatuman sa Australia isip usa sa mga posibleng modelo nga mahimong angay usab sa Pilipinas.
Lakip sa gihisgutan ang insidente sa pagpamusil sulod sa usa ka eskwelahan sa Tacloban City diin mga menor de edad ang nalambigit.
Gikanyon pa sa PNP nga ilang tan-awon usab ang mga balaod nga gipatuman sa ubang nasud aron masuta kon adunay angay nga ipatuman sa Pilipinas.
