Hingpit na nga balaod ang Philippine Maritime Zones Act ug ang Philippine Archipelagic Sea Lanes Act.
Kini human nga gipirmahan ni Pang. Ferdinand Marcos Jr. ang Republic Act No. 12064 ug Republic Act No. 12065 sa usa ka seremonya sa Malakanyang.
Ang Philippine Maritime Zones Act ang magtakda ug partikular nga bahin sa teritoryo sa Pilipinas, kauban na ang kadagatan nga maisip nga kabahin pa gihapon sa nasud.
Tumong sa kambal nga balaod nga mapakusgan ang claim sa Pilipinas sa West Philippine Sea ug uban pang adunay territorial disputes.
Ang Philippine Archipelagic Sea Lanes Act usab ang adunay katuyuan nga makaangkon ug sistema sa sea lanes o ruta sa mga dagat sa Pilipinas nga mamahimong agianan sa mga langyaw nga sakyanang pandagat.
Sa tabang niini, mamonitor na ang lihok sa mga langyaw nga sakyanangg pandagat ug sa kahanginan sa bahin sa teritoryo ug mas mapakusgan ang atoang awtoridad nga pahawaon sila kung makosidera nga bahad sa nasud.
