-- ADVERTISEMENT --
Gibutyag ni Pang. Ferdinand Marcos Jr, nga adunay listahan na kini nga mamahimong pili-an alang sa mopuli sa gihuptan nga posisyon ni DILG Secretary Benhur Abalos Jr., diin nalakip kini sa senatorial line up sa administrasyon sa nagkaduol nga 2025 Midterm Elections.
Sumala pa sa Pangulo nga dili pa niini anggalon sa puwesto si Abalos ug hulatan pa ang desisyon ug rekomendasyon niini sa iyang bakantihon nga ahensya.
Subay sa balaod sa Civil Service, kinahanglan nga walay dapigan nga kandidato ang mga nanarbaho sa gobyerno gawas sa Presidente nga adunay gahum sa pag-endorso sa kandidato sa gobyerno.
Sa higayon nga makaduso na sa sertipiko sa kadidatura si Abalos, kinahanglan isubmitar niini ang iyang resignation letter sa Pangulo sa nasud.
