Gipanghimakak ni Presidente Ferdinand Marcos Jr. nga “staged drama” lamang ang pag-aresto sa iyang ig-agaw nga si kanhi House Speaker ug Leyte Representative Martin Romualdez may kalabotan sa ₱7.4-bilyong plunder case.
Sumala pa ni Marcos, ang mga pahayag nga drama lamang ang nahitabo kabahin sa political attacks batok sa iyang administrasyon ug dili kuno nagpakita sa aktuwal nga proseso nga gisunod sa korte.
Nadakpan si Romualdez human magpagawas ang Sandiganbayan og opisyal nga warrant of arrest base sa kasong gisang-at sa Office of the Ombudsman.
Sa pagkakaron, nagpabilin si Romualdez sa Philippine General Hospital aron ipailalom sa independent medical examination human siya ibalhin gikan sa Cardinal Santos Medical Center.
Dugang pa niini, gipasiugda ni Interior Secretary Jonvic Remulla nga wala manghilabot si Marcos sa pag-aresto sa kanhi House Speaker ug gitugotan lamang nga molihok ang mga ahensya subay sa balaod.
Matud pa ni Remulla, sakit man alang sa Presidente ang sitwasyon tungod sa ilang pagkasuod, kinahanglan gihapon nga ipatuman sa gobyerno ang balaod ug sundon ang proseso sa korte.
Padayon ang legal proceedings batok kang Romualdez samtang ginahulat ang resulta sa iyang medical examination ug ubang mando sa anti-graft court.
