DAVAO CITY – Usa ka patayng lawas ang napalgang naglutaw-lutaw sa may Sandawa, Davao City bandang alas-6 kagabii. Gikumpirma sa Davao City Police Office nga usa kini ka Roy Godoy Alvaro, 55 anyos nga residente sa Awhag Riverside, Barangay 19-B, ning dakbayan.
Subay sa taho, unang naplagan sa 19 anyos nga bangkero nga si Joshua Abequibel Badilla ang patayng lawas ni Roy bandang alas-6:50 sa gabii.
Girespondehan sab dayon ang pag-retrieve sa maong patayng lawas sa mga sako sa BDRRMO.
Human sa pipila ka higayon, giadtuan mismo sa asawa nga si Emmie ang gikahimutangan sa patayng lawas sa biktima sa San Pedro Police ug diha na niya kini gikumpirma.
Subay sa panawagan sa social media, gikanayon ni Emmie nga ulahing nakit-an ang iyang asawa kaniadtong Disyembre 8 sa buntag dihang nanglimpyo si Roy duol sa sapa sa ilahang panimalay. Nagtuo ang asawa nga nahulog kini ug nalumos sa ilahang dapit.
Nitugma sab ang paghulagway sa ulahing suot ng panabton ni Roy nga pula nga shorts ug itom nga jersey.
Giandam na sa pamilya ang pagpahimutang sa patayng lawas sa biktima.
via || Bombo LJF
