DAVAO CITY – Dungan sa pagsugod karong adlawa, Disyembre 2 sa “Pasko sa mga Lumad” diin bisitahon ang mga IP community sa dakbayan aron nga hatagan ug pahalipay karong panahon sa kapaskohan, sugdan na sab ang “Panubad-tubad” diin usa kini ka pamaagi aron nga ipakita ang mga Lumad talents, judging sa ilang shelter areas ug veterinary consultation sa ilang mga gi-alimahan nga mga hayop.
Ang nahisgutan sumala pa nga aktibidad dungan nga ipahigayon sa mga shelter areas sa Barangay Tambobong gymnasium, Barangay Salumay gymnasium, Marilog District, Barangay Upper Kibalang gymnasium, Barangay Marilog Proper gymnasium, ug Barangay Suwawan gymnasium.
Sumala pa kang City Social Services and Development Office (CSSDO) Social Services Operation Division Chief Marilyn Agonia, susama nga aktibidad sab ang ipahigayon sa Paquibato District, partikular na sa Barangay Malabog, Panialum, Colosas, Mapula ug Tapak.
Kinatibuk-ang 2,000 food packs matag shelter area ang ipang-apud-apod sa lokal nga panggamhanan.
Matag food packs adunay bugas, canned goods ug noodles.
Himuon kini sugod karong adlawa ug matapos sa Disyembre 16.
Mopahigayon sab ang City Health Office og serbisyo pinaagi sa services, medical ug dental care sa mga lumad gawas pa sa serbisyo nga ihatag sa City Veterinarian’s Office, City Agriculturist’s Office ug Civil Registrar’s Office nga magpahigayon sab ug civil registration ug Kasalang Bayan.
Adunay gi-andam sab nga padula alang sa mga hamtong ug mga bata diin ilang ipakita ang ilang socio-cultural talents.
