Nangayo og pasaylo si Department of Interior and Local Government (DILG) Secretary Jonvic Remulla sa publiko tungod sa dili klaro nga mga direktiba nga iyang gihatag alang sa pagpatuman sa Safer Cities Initiative.
Sumala pa ni Remulla, iyang giangkon nga adnay mga kakulangan sa paghatag og pagpatin-aw ngadto sa local government units ug mga kapulisan, nga maoy hinungdan sa kalibog sa pag implementar sa maong programa.
Giingon sab ni Remulla nga nakahimo sila og sayop ug kinahanglan pa nila nga pauswagon ang ilang sistema aron mas masbatan ug mas hapsay ang pagpatuman sa mga polisiya nga natinguha sa pagpahimutang og mas luwas nga mga kalsada ingon man komunidad.
Gani, gipatawag na sa DILG ang ubang ahensya sa gobyerno ug mga lokal nga opisyal aron hapsayon ang mga giya ug malikayan ang susamang insidente sa umaabot.
Samtang, gipasalig sab sa DILG nga padayon ang implementasyon sa Safer Cities Initiative apan himoon kini nga mas organisado ug klaro aron matuman ang tumong nga makunhoran nag krimes sa mga lungsod ug komunidad sa nasud.
