Posibleng mangayo ang Department of Agriculture (DA) og dugang nga P40 bilyon nga pondo kung magpadayon pa ang epekto sa krisis sa langis, sumala pa sa mga pahayag ni Agriculture Secretary Francisco Laurel Jr.
Sumala pa sa kalihim,ang ahensiya adunay karon nga P150 milyon lamang para sa fuel subsidy ug P10 bilyon gikan sa Presidential Assistance to Farmers and Fishermen, nga giingong kulang pa aron matubag ang nagkataas nga panginahanglan sa sektor sa agrikultura. Lakip niini, giingon nga P30 bilyon ang kinahanglan para sa fertilizer, samtang sa karon hapit na mahurot ang katunga sa pondo sa fertilizer program sa gobyerno.
Dugang pa niini, giila usab nga kinahanglan pa og P20 bilyon para sa mga rice farmers ug dugang nga P10 bilyon para suportahan ang mga mangingisda, subay sa gipahibalo nga epekto sa nagpadayon nga krisis sa gasolina ug produksyon.
Sa kasamtangan, gikanayon sa DA nga ang minimum nga pagkawala sa agricultural products mahimong moabot sa 20% o katugbang sa duha ka milyon ka metriko tonelada, samtang nagpabilin ang kakulang sa interbensiyon sa gobyerno aron mapagaan ang epekto sa krisis sa langis.
