DAVAO CITY – Gibutyag ni Dr. Ricardo Audan, hepe sa Southern Philippines Medical Center (SPMC) nga posibleng malipayon ang pagsaulog sa Pasko kung magpadayon ang pag-ubos sa kaso sa mga natakdan ug covid-19 hangtud sa bulan sa Disyembre.
Sumala pa kang Dr. Audan nga sa kasamtangan anaa lamang 7 percent ang ilang matala nga positivity rate kung itandi kaniadto nga moabot ug kapin 30 ngadto na sa 40 porsyento.
Sa kasamtangan plano na sab nila nga ibalik ang face to face consultation sa mga pasyente apan kinahanglan una nga mopailalom ang mga nahisgutan sa tele-consultation kini aron masiguro nga bakunado na ang mga nahisgutan ayha nila paadtoon sa balay tambalanan.
Tumong sumala pa sa maong lakang nga mahatagan sab nila ug igong proteksiyon ang mga staff sa balay tambalanan ug dili kini mangatakdan ug Covid-19.
Gikanayong sa Nobyembre 8 ning kasamtangan nga tuig nila plano nga sugdan ang face to face consultation ug gani aduna na matud pa silay mga lawak nga kanhi gipundohan sa mga Covid-19 patient ang ablihan na nila alang sa mga dili covid-19 patient
